මාධ්‍යවේදීන් දිගින් දිගටම CID යට..

මාධ්‍යවේදීන් දිගින් දිගටම CID යට..

පසුගිය ජනපතිවරණ සමයේ ක්‍රියාකාරීව එ.ජා.ප අපේක්ෂක සජිත් ප්‍රේමදාසට සහය දැක්වූ Leader TV අන්තර්ජාල පුවත් සේවයට සම්බන්ධව කටයුතු කළ මාධ්‍යවේදීන් කිහිපදෙනෙක්ම විවිධ කරුණු පදනම් කරගෙන අපරාධ පරීක්ෂණ දෙපාර්තමේන්තුවට කැඳවීම සිදුවෙමින් පවතී.

ඊයේ දිනයේදී එම පුවත් සේවයට සම්බන්ධව කටයුතු කළ පුවත් නිවේදකයෙක් වන ධනුෂ්ක සංජය අපරාධ පරීක්ෂණ දෙපාර්තමේන්තුව මගින් ප්‍රශ්න කිරීමට භාජනය කර තිබේ.

එසේම අද දිනයේත් voicetube.lk වෙත සම්බන්ධව ක්‍රියාකරණ මාධ්‍යවේදිනියක් වන තුෂාරා විතාරණ අපරාධ පරීක්ෂණ දෙපාර්තමේන්තුව වෙත කැඳවා තිබේ. නව රජය පත්වී උණුසුම යන්නටත් පෙරාතුව මෙලෙස මාධ්‍යවේදීන් දිගින් දිගටම CID යට කැඳවීම ප්‍රශ්නාර්ථයක් මෙන්ම එතරම් සුබ පුවතක්ද නොවේය.

එපමණක්ද නොව ඉදිරියේදී හිටපු මුදල් අමාත්‍ය මංගල සමරවීර යටතේ ක්‍රියාකල නිලධාරීන්  ගණනාවක්ද CID යට කැඳවීමට සූදානමක් පවතින බව අභ්‍යන්තර ආරංචිමාර්ග වාර්තා කරයි.

මේ අතර හිටපු මුදල් අමාත්‍ය මංගල සමරවීර සිය ටිවිටර් පිටුවේ සඳහන් කර ඇත්තේ මාධ්‍යවේදීන් දඩයම ඇරැඹි බවයි. ජනාධිපතිවරණ සමයේ අපේක්ෂක සජිත් ප්‍රේමදාස මහතාට සහාය දුන් ජනප්‍රිය යූ ටියුබ් නාලිකාවක් වන TheLeader.lk හි ප්‍රවෘත්ති සන්නිවේදක සංජය ධනුෂ්ක මහතාව අපරාධ පරික්ෂණ දෙපාර්තමේන්තුව විසින් පැය 8ක් තිස්සේ ප්‍රශ්න කර ඇත. මීළඟ ඉලක්කය... රුවන් ෆර්ඩිනැන්ඩස්...මාගේ මාධ්‍ය ඒකකයේ ප්‍රධානියාද? යන්න ඔහු සිය ටිවිටර් පිටුවේ ප්‍රශ්න කර තිබේ. 

mangala2