පැය 36 කින් මිලියන 80 ක ජනතාව මරුමුවට - වසංගතයක අවදානමක්!

පැය 36 කින් මිලියන 80 ක ජනතාව මරුමුවට -  වසංගතයක අවදානමක්!

ලෝකයේ මිලියන 80ක ජනතාවක් පැය 36ක් තුල මරණයට පත් කළ හැකි උණ වසංගතයක් යළි පැතිරිමේ අවධානමක් ඇති බව වෛද්‍ය විශේෂඥයින් පිරිසක් අනතුරු අඟවනු ලබයි.

"ස්පැනිෂ් ෆ්ලු" නමින් හැදින්වෙන මෙම වෛරසය මිට ශතවර්ෂයකට පෙර ලොව ජනගහණයෙන් තුනෙන් එකකට ආසාධනය වු අතර ඒ හේතුවෙන් මිලියන 50ක් මරුමුවට පත්ව ඇත.

වර්ථමානයේ මෙම වෛරසය යලි පැතිරිමේ අවධානමක් ඇතිවුව හොත් එහි ප්‍රථිපලය භයානක වනු ඇති බව ලෝක සෞඛ්‍ය සංවිධානයේ හිටපු ප්‍රධානියෙකුගේ ප්‍රධානත්වයෙන් යුත් විශේෂඥයින් පිරිසක් වන "ගෝලීය සුදානම අධීක්ෂණ මණ්ඩලය" විසින් ලෝක නායකයින්ව දැනුවත් කිරිම සදහා වන විශේෂ වාර්තාවක් ලබා දෙමින් මේ බව සදහන් කර ඇත.

ඉතා වේගයෙන් පැතිරිමේ අවධානමක් ඇති මෙම "ස්පැනිෂ් ෆ්ලු" වෛරසය මගින් ලොවපුරා මිලියන ගණනක් මිනිසුන් මරණයට පත් කිරිමට, ආර්ථිකයන් කඩාකප්පල් වීමට සහ ජාතික ආරක්ෂාවන් කෙටි කාල සිමාවකින් අස්ථාවර කළ හැකි බවද සඳහන් වේ.

හිටපු නෝර්වීජියානු අගමැති සහ ලෝක සෞඛ්‍ය සංවිධානයේ අධ්‍යක්ෂ ජනරාල් ආචාර්ය Bro Harlem Brundtland සහ ජාත්‍යන්තර රතු කුරුස හා රතු ක්‍රෙසන්ට් සංගම්වල මහලේකම් Alhadj As Sy ඇතුළු විශේෂඥයින් පිරිසක් මෙම වාර්තාව සකස් කර ඇත.